深圳羅湖美食必吃榜｜精選10間港人北上必訪高質餐廳推薦

每逢週末北上深圳消費，當然要同親朋好友一齊品嚐當地特色美食。今次特別搜集咗內地網紅嘅熱門推介，精心整理成深圳美食必吃榜，集結咗10款必試嘅深圳羅湖美食！每間餐廳都係經過嚴格篩選嘅高質之選，除咗深受內地市民追捧之外，更加係香港同外國遊客絕對唔可以錯過嘅美食熱點！

1.膳心記—廣式煲仔飯

呢間係深圳擁有32年歷史嘅老字號，主打正宗明火四寶廣式煲仔飯，招牌臘腸、臘肉、雞肉等多款肉類配搭咸鴨蛋蛋黃，加上青菜點綴，仲有煲仔飯獨有嘅香脆飯焦，淋上特製醬油之後，每一啖都係極致享受！隨餐仲附送一份老火燉湯，完美呈現廣式煲仔飯嘅傳統風味，絕對值得列入深圳美食必吃榜！

前往方法：從香港出發，搭地鐵到深圳羅湖口岸，轉乘地鐵9號線到向西村站，行約2分鐘就到膳心記（春風店）。

團購優惠：美團提供多種團購優惠，幫你慳得更多！

2.翠焱火鍋

翠焱火鍋係羅湖區嘅人氣名店，最出名嘅係佢哋嘅蕃茄麻辣湯底。其中嘅麻辣紅油係專程由成都空運過嚟，味道辣得嚟唔會燥熱，愈煮食材就愈入味，鍾意打邊爐嘅朋友一定要試吓呢種成都火鍋嘅傳統風味。翠焱火鍋有兩層，一層專提供火鍋，另一層就係串燒美食區，牛肉串、烤鰻魚、伊比利亞黑豬五花肉、雞軟骨、五花腩等等，全部即叫即燒！一間舖頭可以享受到兩種唔同風味，難怪要列入深圳美食必吃榜！

前往方法：從香港出發，搭地鐵到深圳羅湖口岸，轉乘地鐵9號線到文錦站，行約3分鐘就到翠焱火鍋（萬科里店）。

團購優惠：美團提供多種團購優惠，幫你慳得更多！

3.哥二廣西米粉

好多香港人都食過螺螄粉，但係正宗嘅柳洲螺螄粉你又試過未？呢間深圳羅湖美食正宗哥二廣西米粉冇一般螺螄粉嘅濃烈酸笋味，取而代之嘅係香濃嘅石螺香料味道，湯底用雞骨豬骨同豬皮精心熬製，再加入豬肝、瘦肉猛火爆炒，打造出最地道嘅螺螄粉風味。

前往方法：從香港出發，搭地鐵到深圳羅湖口岸，轉乘地鐵1號線到國貿站，行幾分鐘就到。

團購優惠：暫不適用

4.蘩樓

想飲個靚茶？被譽為港人北上茶樓首選，深圳美食必吃榜之一嘅蘩樓，絕對能夠滿足你嘅願望！茶樓以復古嶺南風格結合現代設計，營造出時尚得嚟又帶懷舊感嘅氛圍。必試點心包括三層口感香脆明蝦紅米腸、香甜柔嫩銀針雪醬鰻魚酥、皮薄餡靚露筍蝦蛟王、鮮甜廣洲荔灣艇仔粥等，每款點心都新鮮製作，口感層次豐富，令人食過返尋味！

前往方法：從香港出發，搭地鐵到深圳羅湖口岸，轉乘地鐵1號線到華強路站，行幾分鐘就到蘩樓（華強北店）。

團購優惠：美團提供多種團購優惠，幫你慳得更多！

5.潮汕大目牛肉火鍋

潮汕大目牛肉火鍋創立於1981年，至今分店已經遍佈內地各地，主打嘅新鮮潮汕黃牛每日新鮮運送，即點即切，背上內裡脊肉肉質鮮嫩，雪花肥牛紋理精緻，肉味濃郁。配搭清甜牛骨湯底，或者惹味麻辣湯底，味道都係一絕，真係不得不將呢間火鍋老字號排入深圳美食必吃榜之中！

前往方法：從香港出發，搭地鐵到深圳羅湖口岸，轉乘地鐵9號線到向西村站，行幾分鐘就到潮汕大目牛肉火鍋（羅湖陽光店）。

團購優惠：美團提供多種團購優惠，幫你慳得更多！

6.楊胖子碳烤肥牛

大排檔裝潢充滿港式風味，性價比極高嘅東北烤肉，獨特醃製嘅烤肉如肥牛、五花腩、羊肉等，再用爽脆生菜包裹住香氣四溢嘅烤肉，一大啖咬落去，再配埋冰凍啤酒，同朋友聚餐最啱晒！

前往方法：從香港出發，搭地鐵到深圳羅湖口岸，轉乘地鐵1號線到國貿站，行約十分鐘就到楊胖子碳烤肥牛（向西村店）。

團購優惠：暫不適用

7.大馬叻沙粉

深圳羅湖美食選擇繁多，除咗分店林立嘅老字號之外，仲有啲小店係非常值得推薦嘅！位於向西村城中村內嘅大馬叻沙粉亦都列入小編嘅深圳美食必吃榜之中，原因係味道竟然非常正宗，新鮮檸檬加上溫和嘅酸橙、椰漿同辛辣味道，酸鹹辣三種味道完美融合，再加上雞肉等豐富材料，濃濃南洋風味就喺呢度！

前往方法：從香港出發，搭地鐵到深圳羅湖口岸，轉乘地鐵9號線到向西村站，行幾分鐘就到。

團購優惠：暫不適用

8.木大叔的料理店

鍾意食甜品嘅你一定要去呢間人氣甜品店—木大叔的料理店朝聖。佢哋嘅人氣單品淺草烤芝士蛋糕，焦糖喺芝士蛋糕上面被火烤至融化，咬落去甜美濃郁。仲有白嫩豆乳布丁，配埋清香抹茶醬，真係甜而不膩，係必去嘅深圳羅湖甜品美食！

前往方法：從香港出發，搭地鐵到深圳羅湖口岸，轉乘地鐵1號線到國貿站，行幾分鐘就到木大叔的料理店（匯金天琅店）。

團購優惠：暫不適用

9.合德記順德雙皮奶

嚟到深圳羅湖都可以試到合德記正宗嘅廣東順德雙皮奶，招牌雙皮奶用新鮮水牛奶製成，味道香濃，口感嫩滑豐厚，仲可以額外加紅豆、蓮子作點綴，別有一番風味。合德記仲有燒仙草、豆沙糖水、奶茶小食等甜品，滿足你嘅甜品慾望。

前往方法：從香港出發，搭地鐵到深圳羅湖口岸，轉乘地鐵9號線到鹿丹村站，行幾分鐘就到合德記順德雙皮奶（萬象城店）。

團購優惠：暫不適用

10.小吊梨湯

小吊梨湯個名係源自以往北京戲院散場時，有人會拎住用銅製嘅提吊叫賣梨湯，為戲迷生津解渴。而呢間小吊梨湯唔單止有用雪花梨熬製嘅小吊梨湯滋潤糖水，仲有皮脆肉滑嘅茉莉烤鴨、酥脆美味嘅梨球果仁蝦、酸甜清脆嘅京糕乾隆白菜等北京菜，讓你身處羅湖都能感受到北京地道風味。

前往方法：從香港出發，搭地鐵到深圳羅湖口岸，轉乘地鐵9號線到紅岭北站，行幾分鐘就到小吊梨湯(筍崗店)。

團購優惠：美團提供多種團購優惠，幫你慳得更多！